Cater ６ 没见廿年的小学同学 (第2/2页)

到补紧习，叶太同你温英文默书，你唔识，叶太话要打你手板，你吓到濑屎，我仲听你阿妈同你讲，如果你再濑屎，你就要立尿片返学；仲有一次小五，你…」

    「你都痴线，我真系唔识你架？」

    不可能的？难道这个人并非游大辉？还是我这个世界的历史与原来的已经变得不一样？

    我一脸怀疑道：「你唔系游大辉？你仲记唔记得小五返紧早会，校长系台上分享紧圣经故事，你举手话急屎要去厠所，老师唔畀你去，你最後去唔切，濑到一地都系，搅到校工又要拖地、又要消毒，你仲成日只系着校工畀你条HelloKitty心心短K，而且仲无着底K添。」

    「你好好咩！城隍庙，你小二嗰阵，有一次小息畀陈树腾从後除咗条运动K，个个都见到你着hsE底K，仲要穿窿…」游大辉愤怒还击。

    游大辉所说的事情的确有在我小学时期发生，我不禁大喜，从阿兴及游大辉二人口中证实我回到的１９９年与我原先经历的１９９年无异，我断言道：「系啊！系啊！我畀人除K，全校人都知道我着穿窿hsE底K。」

    我发现文青nV学生脸有异sE，从刚才我唤游大辉的时候，她便一直用手捂住嘴巴，此时，她脸上漾出异样的笑容，道：「游大辉啊！哈…你撞到旧朋友…哈…你地慢慢倾…哈哈，我走先。」

    游大辉向渐渐走远的文青nV学生唤道：「林小娴，你唔好走住，你听我讲…」

    可是林小娴已走远，并没有理会他。

    游大辉狠狠地瞪着我，怒道：「城隍庙，咁耐唔见，你嚟我搵我做咩啧？」

    「哦！就系咁耐无见，先嚟搵你，睇下你近况系点？」

    「本来都好好，但系见返你就唔系咁好。」

    我搭着游大辉的肩膀道：「唔好咁啦！大家识咗咁多年，咁耐无见，我地去前面公园慢慢倾。」

    游大辉指着我的头，笑道：「做咩包到成个阿差咁，依期兴架？」

    「唉！跌亲，有轻微脑震荡，入医院住咗几日。」

    「无咩野嘛？」

    「问题就唔系好大，但好似有啲野记得唔清楚咁。」

    游大辉坐在摇摇板上，道：「仲记唔记得我地以前系叶太到补完习，就同肥仔、阿兴四个去公园玩摇摇板，你同阿兴坐埋一边，我就同肥仔坐另一边，有次你地趁我同肥仔去到最高嘅时候，突然跳开，我同肥仔无为意之下一野锄落去，搅到半边屎忽都瘀咗。」

    我坐上摇摇板的另一边，指责道：「我有次系旋转滑梯瀡落嚟，你就系滑梯下面跑上嚟，整到我撞埋去条柱到，眼角撞到出血。」

    「咁一人一次打和罗！」

    「点止一次，仲有一次玩氹氹转，我上咗去都未企稳，你就狂转，最後我成个飞咗出嚟。」我卷开了K管，指着左脚膝盖附近的位置，道：「嗱！你睇下，个疤痕仲系到架。」

    「欸！难得见番，唔好讲啲唔开心嘅野，记唔记得有次我地补完习经过新区一座嗰间士多，间士多叫咩？」

    「昆记。」

    「系昆记，昆记出面有几部机cH0U万变卡嘅，我地见到有班中学生围住，就去睇下咩事，原来部卡机坏咗，唔驶入钱都可以扭出卡…」

    我接着道：「我记得，我地叫佢地受埋我地玩，如果唔系就同老细讲，佢地应承，於是cH0U到闪卡就一人一张，但到咗肥仔扭嗰阵，老细发现咗，我地即刻走，我同阿兴有闪中闪同暗闪，你就普通闪卡，肥仔就得一堆白卡。」

    我问道：「哈！系呢！肥仔点样？你有无同佢联络？」

    游大辉耸了耸肩膀道：「撞鬼撞马咩！成个新区拆咗重建，我搬咗去光辉围，电话都改埋，系呢！你有无手机。」

    「有啊！」我掏出了牛魔王。

    游大辉拿出了当年最新款的ＮＯＫＩＡ６１５０，道：「你几多号电话号码？」

    「哗！有钱喎，６１５０嚟喎，借嚟睇下。」

    游大辉把电话递给我，ＮＯＫＩＡ６１５０呈流线形，设计简约，置中偏上的位置有黑白屏幕、可入ＳＩＭ卡，另外，当时的手机都在顶端的位置加上了外露天线，以现今的审美标准当然觉得突兀，但以当时来说，这是正常不过的设计。

    我用游大辉的手机致电给我自己，牛魔王发出简单的铃声，我把手机还给游大辉，道：「依家我地都有大家电话号码。」

    游大辉接回手机问道：「我走喇！你系咪行斜路落去。」

    我颔首：「顺路啊！边行边讲。」

    我问道：「头先嗰个你条囡啊？」

    游大辉埋怨道：「仲未系，追紧，不过畀你咁搅法，实无行啦！系喇，你头先系咪特登架？」

    我笑道：「傻啦！唔好乱谂，你锺意人唔应该有野隐瞒对方嘅，或者佢觉得你细过直肠直肚好可Ai呢！」

    「哦！你咁讲得喇，下次喺街我见到你同囡一齐，我即刻系佢面前爆你啲衰野出嚟，系喎，你依家有无囡啊！」

    游大辉的话g起我对初恋的回忆，我的初恋是在一九九八年四月十二日开始，到了同年八月二十日，管佳莉向我提出分手。

    我还记得那天，她在荃湾图书馆的自修室向我提出分手，我感到当时的世界倏然崩塌。那天已经是十八年前，但在现在这个世界来说，离那一天只是过去了不足两个月，还记得我们中四至中五是同一班，大家也相当尴尬，最後连纪念册大家也没有交换，直到二十岁那年，我们才在沙田马会电话投注部重遇。

    我摇头道：「无。」

    「总之，下次我实报仇架。」

    「唔好讲埋啲衰野喇！系呢，记唔记得我地嗰阵为啲咩绝交？」

    游大辉闻言，很认真地沉思，半晌摇头道：「唔记得，你记唔记得发生咩事？」

    「记得就唔驶问你啦！」

    游大辉闻言瞧着我，正好我亦看着他，然後相视一笑。

    「既然大家都唔记得边个唔啱，边个唔着，大家揸个扒，无数啦！」

    我向游大辉伸出手，彼此一握，一笑泯恩仇。

    游大辉笑道：「哈哈，为咗一个大家都唔记得嘅原因，而唔搵大家，真系好戆鸠。」

    「唓！我唔搵你，你可以搵我架。」

    「你够可以搵我先。」

    「最後，又咪我搵你，做男人做得你咁小气，到喇，系咁啦！」

    「喂，陪我行埋条楼梯啦！」

    「你都痴痂地，行完落去，又行番上嚟。」

    「难得咁耐无见，嗲多阵？」

    我指了指被纱布裹着的头，道：「我受伤，要休息，下次再倾！」

    游大辉向我挥手，道：「拜拜喇，阿差！」

    「快啲返屋企啦！濑屎辉，因住赶唔切返屋企，濑到一K都系。」

    游大辉向我b了个中指。

    我亦礼尚往来地还了个中指回礼。

    自从我回到了一九九八年後，已经做出了与历史相悖的事，遇到了郑绮云医生、与游大辉和解，这些事情在原来的历史均没有出现过，之後会否出现了所谓的蝴蝶效应，让建基於同样的历史却发展出截然不同的未来呢？